قصیده الی الحُسین (ع)

التزام - محمد الشویکی   يا نبض عاش بشرايين الموده..وزَفهِن بطَعم السعاده.وياحِلِم ..شايِل الواقِع بيده صوت..وحاضِن اسطورة جِهاده.عيوني شالتَک وَطن مابي رياء..وگَلبي ضَمَک حُب عَفيف.ومِن قِراک الطف لِگاک أعذَب قَصيدهوگال مااريد القَوافي ترِسمه سيف.
قصیده الی الحُسین (ع)

التزام – محمد الشویکی

 

یا نبض عاش بشرایین الموده..
وزَفهِن بطَعم السعاده.
ویاحِلِم ..
شایِل الواقِع بیده صوت..
وحاضِن اسطوره جِهاده.
عیونی شالتَک وَطن مابی ریاء..
وگَلبی ضَمَک حُب عَفیف.
ومِن قِراک الطف لِگاک أعذَب قَصیده
وگال ماارید القَوافی ترِسمه سیف.

موت..
گِلی الگال یاهو المُوت اجاک..
الباری لِلطَف وَده دَعوه ..
وگال ارید تمرنی ضیف.
ومِن رِحِت ظَلیت بینه..
وخَضِّرَت بَسمه ودمع..
بموته یِمتاز الشَمِع.
المارِسَم روحه سفینه..
یضیع بِفچوچ الامواج ویِنبِلِع.
وأنته أکبَر مِن سَفینه..
الموج اِلَک حتماً یِلین.
وأنته روضه یعیش بیهه الحُب فَراشه..
وبیهه کُلشی من الحَنین.
وأنته غَاره الباری شَنها..
ویاهو یِنصبلَک کَمین.
أنته شَمامه وحَمامه..
وطائِر اَبیَض عایِش بگَد السنین.
أنته اِبن حیدر جَسور..
الیعتنیک بغیض یعنی یطب عَرین.
وأنته اِبن زَهره وعطر فِردوُس بیها
غَذِتَک منه ورِشَفت من الأمین.
أنته غایه..وأنته رایه..
وأنته دَم …
بَس دَم کتب چلمه عقیده..
دَم رِسَم شَمعه بقصیده..
دَم لواء وراسه عالی..
وکَرَس الثوره بنَشیده.
وما یعرف یذل حیاته..
موته عیده.
ولهذا استَخلَصِت مِن خَط حیاتک
خَط رسَمته اِعله الجَبین..
العِنده رای وبی عَزیمه
تفیده بَس اِل « یا حُسین… »

مطالب پیشنهادی :

نوشتن دیدگاه

تمام حقوق این سایت برای © 2019 پایگاه خبری تحلیلی التزام - هفته نامه التزام. محفوظ است.