دمعـــــــــه فقیـــر + مجموعه من الشعر منها: ” لیله عید ” و ” عثاجیل الشمس ”

التزام - ابوعارف مقدم   یمه باچر عیدو اولاد السلف تلبس جدید.     وبصوانی بیوتهم یقره افرح اجمل نشید.   والتهانی یجیبها البیبانهم ساعی البرید.   ویمه حتی عیونهمتتکحل بشوف البعید.
دمعـــــــــه فقیـــر + مجموعه من الشعر منها: ” لیله عید ” و ” عثاجیل الشمس ”

التزام – ابوعارف مقدم

 

یمه باچر عید
و اولاد السلف تلبس جدید.    

وبصوانی بیوتهم
یقره افرح اجمل نشید.

 

والتهانی یجیبها
البیبانهم ساعی البرید.

 

ویمه حتی عیونهم
تتکحل بشوف البعید.

والفرح یتعده
من یم بابنه و الهم یعید.

 

وآنه محد یا سألنی

البیتنه وگللی اش ترید.

 

وحتی ماشفت الهوا
نسم علی نسمات عید.

 

یمه چالیش انه وحدی
ابحیرتی وبعینی دمعه

 

یمه وب صینیت دارچ
ما شفت مشعوله شمعه

 

یمه وبصوتچ حنان الفرح
ما ظلیت اسمعه

 

یمه صح هالیوم جمعه
امسکّره ابواب الدوائر

 

و ادری حرثات الشوارع
غافیه ومجهول باچر

 

یمه چالیش البخت
بس عدنه عاثر

 

یمه والیاحد
اظل مکسورخاطر

 

یمه چاوین الوفه‌
و وین المشاعر

 

یمه ذنبی
چیه عشت بالطین

ما عشت ابعمایر

 

ویمه
چیه لنی فقیر
ابهلزمن کل وکتی حایر

 

یمه بس هیچ الوکت
ماچان عدنه
اشبدله وهلشکل صایر

 

عیدباچر
عیدباچر
کلها بالشارع اتصیّح
عیدباچر

 

وانه ادری لو صحت
صوت الحزن محد یسمعه

 

یمه صح هلیوم جمعه
من گبل بس ماسمعنه
ساد بیبانه الفرح
هلیوم .. جمعه !!!

 

***

 

” لیله عید “

* بدر نصاری

 

لیله عید و الچیلات
توصل للسمه و ماترضه لحظه إتهید

عِرس اهلالنه اللیله
و فَرَحنه ایزید …

لیله عید الإحدیثات سهرانات
حِنَّتهن غفت بالإید …

باچر عید
و مَرَشنه امحایل المَبخَر
هذا ایصب رحیق اورود
و ذاک بلا یمر عَطّر _

غبشه ایمر علینه العید
گبل الشمس…
گبل النور …
گبل لَیوچوچ الزرزور …

یجینه ابریح من الله…

یلملمنه و یراضینه…
یوحدنه  و یخلینه
عَلَىٰ اتراب الوطن نسجد

یجینه بفطره النجمات
یمد روحه
علىٰ بیوت الیتامه
ویرسم الضحکات

یجینه ابچسوه للنخلات
یمد چفه عَلَىٰ إعثوگ البریمه
و ینسل السعفات

یجینه ابروی یردح روی
و یهوّس شطنه
” لا” مامات

 

***

” عثاجیل الشمس ”

* توفیق النصّاری

 

تعال
و حِل على اجْروح المدینه
کل عثاجیل الشمس !
جیب ألحان و أغانی
و إچسی أحلام العجود
ابْأجمل اهْدوم الأمانی !
خل تِذِب قمصانها
ال طرّزها بچْفوفه الیإس
عید یا عید ابْسعاده
مثلی ( عید) ابْشوگ ینطر !
و الهضم ثاگب دلیله
و گیّد الهندس عیونه
و حافوا المصباح منه
و کل حمامه
و کل هدیله
چیف أحل شبّاچ خلگی
و آنا ضیْعیت العرس ؟!
تعال
و حِل على اجْروح المدینه
کل عثاجیل الشمس

 

 

مطالب پیشنهادی :

نوشتن دیدگاه

تمام حقوق این سایت برای © 2019 پایگاه خبری تحلیلی التزام - هفته نامه التزام. محفوظ است.