السوره ( مقطوعه شعریه جمیله للعملاق عریان السید خلف )

التزام: تکتّر ... کون ماتگدر ... تِدگ انگر ... -          صبر اللیل .. و اتصَبَح .. ولاچَن مَر قَهرنه ... او لا عذاب الآه ... یا آهی ... اشکثر تکبر
السوره  ( مقطوعه شعریه جمیله للعملاق عریان السید خلف )

التزام:

تکتّر …

کون ماتگدر …

تِدگ انگر …

          صبر اللیل .. و اتصَبَح ..

ولاچَن مَر

قَهرنه …

او لا عذاب الآه …

یا آهی … اشکثر تکبر

 

سحابه و لا لبگها الریح …

لا بیها الوکت …

حَدَّر

ولا صبر الصبرته ، اعلیک …

نافعنی …

ابکثر ما ضَر

تّکتَر

شِلَک وَیّه الروح؟ ..

شَعره …

او ماتِحَمل الجَر .. !

هِفه …

او عاشت عطش للغیث …

ما مَر …

– ابصریمه بَر

ولا سِرهه الغریب انسَر

و لا گالت :

-علیک ارخیص

یا سلعه …

الفلا تِنصَّر

          ذهب شامی …

او تِغِش العین …

و ابعین الرخص …

تِزغَر

تکتر …

بَلچی الکِع الروح …

روحی …

الما علیها اگدَر.. !!

رمتنی …

او ضیعتنی اسنین

سوره مای

بس افتر

ادورَن .. و اللیالی اتدور …

سفّان ، ..

ابعذابه أبحَر

و لاشاطی الیگلی : إرتاح …

لانجمه …

التگلی : إنسَر

و لا شرجی العذاب الطال …

حَن العادته

او غَیّر

شمالی …

او یا شمال الروح …

طفّی الروح . مِن تِشغَر

گِضَت …

لاصِدَگ بیهه اللیل …

لا بیهه ، ..

الفَرَح یِعثَر

او تِنِطرَگ …

و انته یالماجیت ! ..

لا چَلَّک بَرِد ؟…

لا حَر .. ؟

صِفَت سوله هواک الآه …

لو ما الآه …

گلبی انطَر

او ترادَت و العَتَب شیفید ..

دِگهّ ..

او ساوت العَنبر .. !

و الاکثر

یَل ولا انساک ..

طیفک ..

لا نِشَد .. لا مَر

او سمَعنه الگلب ؛ ..

یحمِل غیظ ..

موش الطیف ..

یتغَیَّر

۸ تشرین الثانی ۱۹۶۸

مطالب پیشنهادی :

نوشتن دیدگاه

تمام حقوق این سایت برای © 2019 پایگاه خبری تحلیلی التزام - هفته نامه التزام. محفوظ است.